Një shpërthim i fuqishëm ka ndodhur sot në një ndërtesë në Madrid duke lënë të paktën dy persona të vdekur dhe disa të plagosur.
Kryetari i Bashkisë, José Luis Martínez Almeida tha se nga informacionet paraprake, dyshohet se shpërthimi i fuqishëm ka ndodhur për shkak të një rrjedhje gazi, shkruan BBC.
Në videot e publikuara në rrjetet sociale, dallohet rruga e mbushur me mbeturina të pallateve të dëmtuara nga shpërthimi i fuqishëm.
Një gazetar lokal e quajti shpërthimin si të “tmerrshëm” duke raportuar se kishte ndodhur në rrugën “Calle Toledo” në qendër të kryeqytetit spanjoll.
Në rrugë është vendosur një perimetër sigurie, ndërsa në vendngjarje përpos policisë ndodhen edhe Njësitë e Mbrojtjes Civile dhe 8 zjarrfikëse.
BREAK: Significant explosion in Madrid
Appears several floors of building destroyed
Cause not yet known pic.twitter.com/XmzuQIRYzX
— Darren McCaffrey (@DarrenEuronews) January 20, 2021
