Një super aksion ndaj trafikantëve të drogës është ndërmarrë në Spanjë, duke bërë të mundur arrestimin e 15 personave. Plot 5 ton kokainë ishte fshehur në banane. Trafikantët gjejnë mënyra nga më të ndryshmet për të kaluar drogën, por këtë herë kanë dështuar me planin e tyre.
Policia spanjolle ka arrestuar 15 persona, gjatë një operacioni antidrogë në Malaga. Po kështu u sekuestruan mbi pesë ton kokainë, të fshehur mes bananeve.
Dhjetra makina policie shkuan në një park industrial në Malaga, ku u sekuestrua dhe sasia rekord e drogës, treguan dëshmitarët për gazetën lokale ‘Diario Sur’. Lidhur me këtë rast, hetimet ende vazhdojnë.
