Mesnatën e sotme ka nisur aplikimi i tarifës së “Rrugës së Kombit”. Kompania koncensionare ka deklaruar se procesi ka nisur pa probleme, e ndërsa protesta e paralajmëruar, ende nuk ka dhënë shenjat e para. Referuar protestës për të cilën është folur shumë orët e fundit, zyrtarisht në polici nuk është marrë asnjë leje, ndërsa në qytet nuk ka shenja organizimi.
https://tiranatoday.com/proteste-per-rrugen-e-kombit/
Janë 10 sportele në total, ku do të kryhet kalimi i mjeteve dhe pagesa, ndërsa për banorët e Kukësit janë 2 të tillë. Kompania ka në dispozicion listën e automjeteve të regjistruara në sistem, në të gjithë qarkun e Kukësit.
Ditët e fundit në këtë qytet ka pasur dhe një sërë kontrollesh nga forca RENEA dhe ato të ndërhyrjes së shpejtë, po pa specifikuar arsyen e këtij aksioni. Banorët thonë nën zë se kjo lidhej me frikën e përgatitjes së ndonjë proteste gjatë ditës së sotme.
https://tiranatoday.com/zyrtarisht-me-pagese-kalimi-ne-rrugen-e-kombit/
