Dështon sërish gjyqi për 4 të pandehurit e vrasjes së Marvi Mihalit, pasi avokatët e tyre u shprehën se ndihen të ofenduar nga babai i të ndjerit.
Babai i Marvi Mihalit, gjatë seancës, u shpreh se avokatët ishin munduar gjatë gjithë procesit të shpëtonin disa kriminelë dhe se rendin pas parasë.
Ndërkohë, Pavllo Mihali kërkoi dënimin me nga 35 vite burg për katër të pandehurit, si dhe paralajmëroi se nëse nuk vendoset drejtësi, do të veprojë sipas Kanunit.
Ishin pikërisht këto fjalë, shkaku pse avokati Sokol Hazizaj, tha se nuk mund ta vazhdonte me procesin, pasi ai ishte aty për të kryer një punë dhe nuk mund të cënohej për shkak të punës së tij.
