Majlinda Kelmendi ka vendosur të tërhiqet përfundimisht nga sporti i xhudos në moshën 30-vjeçare. Lajmin e ka dhënë vetë Majlinda me një deklaratë për mediat kosovare, duke u shprehur se pjesëmarrja në Tokio ishte e fundit për të.
Ajo pësoi disfatë në rrethin e parë në kategorinë 52 kilogramë në Tokio, në atë që ishte turneu i saj i fundit në karrierë.
“Për mua kjo ka qenë gara e fundit, nuk e kam pritur që gara e fundit në karrierë do të shkojë kështu. Ishte e shkruar, krejt i kam fituar. I kam sjellë Kosovës mjaft emocione, mjaft lot është radha e tjerëve. Do të jem afër Tonit me u mundu me nxjerrë talente tjera prej Kosovës”, tha Kelmendi.
Kelmendi është sportistja e pare që i siguroi Kosovës medalje ari në Lojërat Olimpike në Rio 2016. Ajo ka fituar 32 medalje të arta në të gjitha garat e mëdha të xhudos gjatë karrierës, 6 të argjendta dhe 8 të bronzta.
