Dështimi ishte i madh, nuk ka shans të dytë për Sampaolin

Nuk ka një shans të dytë, Jorge Sampaoli është shkarkuar nga posti i trajnerit të Argjentinës pas dështimit në Kupën e Botës. Federata Argjentinase e Futbollit ka bërë zyrtarë arritjen e një marrëveshje me Sampaolin për të shkëputur kontratën e cila e mbante atë të lidhur deri në vitin 2022. Ndërsa sa i përket shpërblimit që duhet të ishte rreth 9 milionë euro, federata do ti paguaj ish-trajnerit vetëm 2 milionë euro.Jorge Sampaoli në aventurën si trajner i Argjentinës ka arritur 7 fitore, 4 barazime dhe 4 humbje. Por disfata në Botëror ishte e pajustifikueshme për argjentinasit dhe kjo ka bërë që shkarkimi të vijë direkt. Pak ditë më parë u përfol se ai do të ishte në krye të pankinës edhe për Kupën e Amerikës, por presidenti Claudio Tapia ka hedhur poshtë këtë hipotezë duke lajmëruar shkarkimin e menjëhershëm. Ende nuk dihet se cili do të jetë zëvendësuesi i tij në kombëtare, por tifozët ëndërrojnë Diego Simeone.