Pas dështimit të protestës së Partisë Demokratike për të qëndruar përballë kryeministrisë dhe Ministrisë së Brendshme deri në dorëheqjen e ministrit Xhafaj ka reaguar edhe vetë kryeministri Rama.
Përmes një postimi në rrjetin social Facebook, Rama duke i çliruar nga makthi se protesta mund të precipitonte nga përplasja me policinë tek Ministria e Brendshme, falënderon të gjitha ata që siç e quajti ai nuk morën pjesë në Babaleprotestën e Bashës.
“Faleminderit të gjithë atyre demokratëve, të cilët nuk duan ta shohin me sy qeverinë, po e refuzuan ftesën për të marrë pjesë në babaleprotestën sa qesharake, aq edhe të pabesë ndaj çdo shqiptari e shqiptareje, që nuk pranon të dëmtojë Shqipërinë për babalepartinë”, shkruan Rama.
