Milan ka marrë një fitore mjaft të rëndësishme në sekondat e fundit, përballë Genoas falë golit të parë të Andre Silvas në Serie A. Me këtë fitore kuqezinjtë qëndrojnë në garën për një vend në Champions League dhe i ndanë nga Interit vetëm 4 pikë, këta të fundit do të përballen me Napolin. Ishte një ndeshje e barabartë për shumicën e kohës por në fund Milan tregoi pse është një klub historik duke marrë tri pikët e merituara.
Milani e nis në sulm dhe krojon raste që në minutat e para me Kalinic dhe Bonaventurën, por është Perin ai që neutralizon gjithcka. Genoa luan hapur dhe krijon shumë raste për të shënuar dhe për të pësuar. Pas pushimit historia nuk ndryshon. Rigoni shënon një gol në minutën e 53’ por arbitri, pasi kontrollon VAR, ka anuluar golin për pozicion jashtë loje.
Pak më pas Bonaventura humbet një tjetër mundësi të mirë me topin që përfundon jashtë fushe. Edhe Suso kishte një rast të mirë nga goditja standarde por edhe goditja e tij shkon jashtë. Por në fund të takimit ishte Andre Silva ai që shënoi një gol që i dha tre pikët Milan. Silva ka shënuar më në fund golin e parë me fanellën Kuqezi.
