Të dhëna kontradiktore po jepen në lidhje me ngjarjen makabre në Selenicë, ku të afërmit dhe banorët kanë treguar se çfarë ka ndodhur me 24-vjeçarin. Guri Zykaj, një nga të afërmit e viktimave të Selenicës, ka thënë se e njihte autorin e krimit, por nuk kishte dëgjuar ndonjë problematikë të madhe. Ai ka thënë po kështu se autori shikonte punën e tij, si dhe familja e tij.
Sikundër të tjerët, ai nuk e mendonte se do të ndodhte diçka e tillë. Dyshimet janë se ai vuante nga problemet mendore, e ndërsa Zykaj ka thënë se autori është djalë i hedhur pa dyshim, raporton “Panorama”. Vite më parë ai ka pësuar një djegie, dhe siç thonë, pësoi traumë.
https://tiranatoday.com/24-vjecari-e-kishte-paralajmeruar-tragjedine-e-selenices-do-tju-beje-hatane/
Ju jeni i afërm i viktimave?
Po, jemi kushërinj, fis së bashku. Shkojmë e vijmë me njëri-tjetrin. Jemi bërë me njëri-tjetrin, ashtu si edhe të gjithë të tjerët këtu në fshatin Resulaj.
Ju ku ishit kur ndodhi ngjarja, dëgjuat krismat?
Pasdite isha afër shtëpisë dhe dëgjuam krismat. Më pas njerëz që bërtisnin se ‘janë qëlluar me armë te Demiri, janë vrarë të gjithë’. U nisëm drejt shtëpisë së tij, me idenë që ndokush nga familja qe vrarë, por nuk e mendonim kështu të them të drejtën. Askush nuk e mendonte diçka të tillë. Jemi shokuar kur u përballëm me viktimat, një pas një të vrarë. Ishte e rëndë kur pamë fëmijët. Ishte tmerr, gjëmë e madhe, ç’të them…
Ju si i njihnit viktimat, pasi thatë që kishit hyrje dhe dalje?
E thashë ishim fis me njëri-tjetrin. Njerëz të urtë që shikonin punën e tyre, nuk i binin njeriut në qafë. Njerëz punëtorë dhe shihnin shtëpitë e tyre. Njerëz të respektuar në fshat dhe në Selenicë.
Po autorin?
Po e njihja edhe atë. Një njeri, për të cilin nuk është dëgjuar për ndonjë problematikë të madhe. Shikonte punën e tij, ashtu si edhe familja e tij. Nuk e mendoja kurrë diçka të tillë.
A kishte probleme mendore ai, si njihej këtu në fshat?
Nuk e di dhe nuk mund ta them këtë… Por ishte pak djalë i hedhur pa dyshim. Vite më parë ai ka pësuar një djegie dhe siç thonë, pësoi traumë. E njihnim si djalë të hedhur, por çfarë të them më shumë. Kjo që ndodhi është shumë e rëndë. Akoma nuk mund ta besoj diçka të tillë. Nuk ka bërë vaki të vriten tetë vetë njëherazi. Kjo ngjarje do të mbahet mend gjatë.
