Mbyllet në barazim pa gola pjesa e parë me Atletikos dhe Realit të Madridit, në “Wanda Metropolitano”. Një ndeshje që nuk ka pasur shumë histori pasi të dy ekipet janë kujdesur më shumë në mbrojtje dhe nuk ka arritur të shfaqin rrezik para portës. Janë të numërueshme rastet që kanë rrezikuar portat e Oblak dhe Casillas.
Ndeshja ka filluar me një rast të pastër për shënim për “los Colchoneros”, por që Correa gabon i vetëm përballë portierit duke e dërguar topin jashtë.
Pak këtij rasti ndeshja ka qenë e balancuar dhe pa shumë raste shënimi. Ronaldo dhe Griezman, dy goleadorët e sezonit që lamë pas janë shumë në hije dhe nuk arrijnë të shfaqen rrezikshëm në asnjë moment. Është Isco dhe Marcelo që mbajnë të avancuar ”los blancos” dhe që krijojnë disa raste të mira por që nuk shfrytëzohen si duhet nga shokët e skuadrës. Tensioni nuk mund të mungonte në këtë sfidë kaq të luftuar, ku nuk kanë munguar duelet e forta dhe konfrontimi mes lojtarëve pas një goditje me top që i jep Correa, francezit Benzema kur oja ishte ndalur.
Duhet të prisnim deri në minutën e 32’ që pas një kombinimi perfekt mes Kroos dhe Ronaldo, nxjerr këtë të fundit të vetëm në zonë, por që nuk godet si duhet dhe topi nuk shkon në rrjetë. Ishte rasti më i pastër për madrilenët që të zhbllokonin sfidën, por që nuk ka arritur të finalizojë si duhet.
Pritet të jetë një pjesë e dytë shumë e luftuar, pasi asnjërit nga ekipet nuk i intereson një barazim sepse Barcelona ka fituar dhe presioni është rritur më shumë. Njëra nga këto ekipe duhet ta fitoj patjetër këtë sfidë që të vazhdojë të rivalizojë katalanasit.
