Deputeti i LSI, Ylli Shehu, ka mbërritur në Parlament për të bërë betimin pasi mori mandatin e deputetit nga KQZ, mandat ky i lënë nga Floida Kërpaçi.
Në komunikim për mediat, teksa ka hyrë në Kuvend mëngjesin e sotëm, Shehu është shprehur se nuk mund të tradhtoj mijëra qytetarë që i kanë besuar votën.
“Nëse më përjashtojnë është e drejta e tyre, mandati është i imi. Po të ndihesha tradhtar, nuk do të isha këtu. Nuk mund të tradhtoj mijëra qytetarë që më kanë votuar”, deklaroi deputeti i LSI.
