Deputeti socialist Pjerin Ndreu ka zhvilluar sot mbledhjen e fundit në Komisionin Parlamentar të Sigurisë. Ndërsa ka shkrepur dhe një foto me kolegët bashkërisht, anëtarë të komisionit, Ndreu sqaron se largohet nga ky komision si deputet, për t’iu përkushtuar një sfide tjetër, garës për Bashkinë e Lezhës.
Ai ndër të tjera shpreh mirënjohjen ndaj kolegëve për të gjithë mbështetjen, e mbi të gjitha tejkalimin e ndonjë tensioni politik. Pas 6 viteve në këtë komision, Ndreu bën me dije se tashmë ndjehet më i përgatitur për të përballuar një tjetër sfidë të vështirë që e pret në Bashkinë e Lezhës.
“Sot pas mbledhjes se fundit te Komisionit te Sigurise ne Kuvend, beme nje foto te gjithe bashke. U jam mirenjohes te gjithe kolegeve qe kam punuar ne ate komision qe nga viti 2013, te pozites dhe opozites, per gjithe mbeshtetjen, mirekuptimin, eksperiencen e ndersjellte, dhe tejkalimin e ndonje tensioni politik.
Pas 6 viteve jete aktive ne ate komision, ndjehem me i pjekur dhe me i pergatitur per te perballu sfiden e veshtire qe me pret ne Bashkine e Lezhes. Faleminderit kolege qe me dhate energji e force per te ecur para dhe per te konkuruar per te fituar!”, përfundon ai statusin në rrjetin social Facebook.
