Një shtetas shqiptar është ekstraduar sot në Rinas nga Gjermania, pasi ishte dënuar me 7 vite vurg për vjedhje me dhunë.
Konkretisht, shtetasi i ekstraduar është 31-vjeçari Redi Ferizaj (Allkoci), lindur në Tiranë.
Njoftimi i plotë:
Rinas
Interpol Tirana ekstradon 1 shtetas shqiptar, i dënuar me 7 vite burg për veprën penale “Vjedhja me dhunë“ e kryer në bashkëpunim.
Nga Specialistët e Interpol Tirana u krye ekstradimi nga Frankfurt/ Gjermani i shtetasit shqiptar Redi Ferizaj (Allkoci ), 31 vjeç lindur në Tiranë.
Shtetasi në kërkim Redi Ferizaj (Allkoci ), u ekstradua nga Frankfurt/ Gjermani, pasi Gjykata e Rrethit Gjyqësor Tiranë, me vendim numër 2596, datë 07.07.2015 e ka dënuar me 7 vite burg për veprën penale “Vjedhja me dhunë” e kryer në bashkëpunim, parashikuar nga nenet 139 e 25 të Kodit Penal.
Si rezultat i bashkëpunimit të Interpol Tirana me Interpol Ëiesbaden, u bë i mundur arrestimi i tij në Gjermani, duke e finalizuar me ekstradimin e tij drejt vendit tonë.
