Trafikimi i lëndëve narkotike nga vendi ynë drejt shteteve evropiane dhe jo vetëm, është një nga fenomenet më shqetësuese. Por, nga ana tjetër për të ardhur keq është fakti se vendi ynë konsiderohet si “delja e zezë”, përsa i përket bandave kriminale të cilat merren me trafikimin e drogës. Rasti, i cili mori vëmendje të gjerë mediatike kombëtare dhe ndërkombëtare ka të bëjë me implikimin e ish-ministrit të Brendshëm Saimir Tahiri në një organizatë mafioze, shkruan courrierdesbalkans.fr.
Ndërkohë, në vitin 2015, shumë kohë para çështjes së ish-ministrit të Brendshëm Saimir Tahiri, një shef i policisë shqiptare ngriti alarmin duke tronditur qeverinë Rama. Zbulimet e tij rreth shtrirjes së kontrabandës së kanabisit, nuk u vlerësuan nga autoritetet, dhe në fakt e bënë atë një person non-grata në vendin e tij. Bëhet fjalë për Dritan Zaganin, i cili tani është një refugjat politik në Zvicër.
Zagani u arrestua në 3 Maj të vitit 2014 me akuzën e shpërdorimit të detyrës pasi dyshohej për dekonspirim të operacioneve antidrogë. Arresti ndaj Zaganit u bë pasi më 2 maj 2014 gjyqtarja Flora Hajredinaj kishte caktuar ndaj tij masën e sigurisë në mungesë arrest me burg për shpërdorim detyre e moskallëzim krimi, masë kjo e kërkuar nga prokurori Anton Martini.
Por, gjyqtarja Hajredinaj, rezulton të jetë pjesë e “listës së zezë” të publikuar nga SHBA për vettingu. E ndërsa lidhur me zhvillimet e fundit, përsa i përket çështjes Tahiri, Zagani duhet të jetë gëzuar. Emri i Tahirit është bërë publik, në dosjen “Habilaj”, një klan mafioz i cili merrej me trafikimin e lëndëve narkotike nga Shqipëria drejt Italisë. Ndërsa, vlen të theksojmë se Habilajt, rezultoni kushërinj të ish-ministri Tahiri, dhe se makina e tij “Audi A8”, ishte në përdorim të trafikantëve bëhet e ditur në një dosje voluminoze të dërguar nga Gjykata e Catanias në Itali për autoritetet shqiptare.
Më 16 tetor, policia siciliane vazhdoi me arrestimin e disa personave, duke përfshirë një bos të madh shqiptar të mafies, Moisi Habilaj, kushëri i Saimir Tahiri, ish-ministri i Punëve të Brendshme nga viti 2013 deri në pranverën e vitit 2017. Për, këtë ngjarje, Dritan Zagani, kishte folur shumë kohë më parë. Për dy vjet, ish-polici me origjinë nga Shkodra, tani një refugjat në Zvicër, vazhdoi të vërë në pikëpyetje lidhjet e politikës shqiptare trafikantët e drogës.
Në vitin 2013, kur ai ishte kreu i Brigadës së Narkotikëve në rajonin e Fierit, një qytet në Shqipërinë jugore, Dritan Zagani pikasi një rrjet të gjerë të trafikantëve. Dhe zbulimet e tij vazhduan. Trafikimi i lëndë narkotike bëhej me anije, ku sasi të mëdha të kanabisit transportohej në Adriatik. Por, më pas informacione e çuan atë në një fshat të vogël në veri të Fierit. Në mes të fushave, në fund të një rruge, ai dhe eprorët e tij ndoqën uljen e një avioni privat në një rrugë të asfaltuar. Trafikante e mbushëm aeroplanin me kanabis. Lidhur me këtë ngjarje ai menjeherë Guardia di Finanza pranë Torinos.
Ndërsa qeveria shqiptare përgatit një operacion spektakolar kundër trafikantëve të drogës në Lazarat, Dritan Zagani vazhdoi hetimet e tij. Këto hetime të tij e çuan në një rrugë misterioze me pikasjen e një “Audi A8”, i zi dhe me xhama të errët, që kishte kaluar disa herë në kufirin grek dhe Sicili, dhe ishte përdorur nga klani Habilaj. Dritan Zagani zbulon se makina ishte e regjistruar në emrin Saimir Tahiri, i cili më pas u emërua Ministër i Brendshëm dhe konsiderohej i afërt i kryeministrit, Edi Rama.
Pas informimit të eprorëve të tij, Zagani e gjen veten të ndjekur dhe të vënë në dëgjim. Përpjekjet e tij për të marrë në duar situatën dhe për të goditur trafikantët destinuan të dështuara, pasi njerëzit që po e përgjonin njoftuan autoritete për planet e tij. Duke parë një mosveprimit të autoriteteve shqiptare për mungesë të hetimit për rastet e denoncuara, Zagani njoftoi se i kishte dhënë informacion policisë italiane, duke shpresuar se do të bëjë arrestime në anën tjetër të Adriatikut.
Përkundër bashkëpunimit të treguar midis autoriteteve shqiptare dhe italiane në luftën kundër trafikimit të drogës, ky zell i madh i kthehet kundër policit. Dritan Zagani është nën hetim gjyqësor dhe ka braktisur shtëpinë e tij. Gjykata e Krimeve të Rënda në Tiranë e akuzon atë për shpërdorim të pushtetit, bashkëpunim të paligjshëm me policinë italiane dhe bashkëpunim me një grup mafioz. Ai më pas u arrestua dhe u la gjashtë muaj e tetë ditë në burg.
Në korrik 2015, Dritan Zagani u lirua më në fund nga Prokuroria, pa dalë ndonjëherë gjykatës, ku gjykatësi që kishte marrë për sipër çështjen e tij, është i vendosur në listën e zezë të gjykatësve shqiptarë nga Shtetet e Bashkuara. Pastaj, Zagani vendos të ndajë gjetjet e tij me mediat shqiptare. Si rezultat, të afërmit e tij u kërcënuan me vdekje.
REFUGJAT POLITIK NË ZVICËR
Familja e tij iku në Itali, përpara se të arrinte në Basel të Zvicrës. Zhvendosja e tij u bë e mundur ndoshta për shkak të lidhjeve të Dritan Zaganit me disa zyrtarë të Guardia di Finanza, i cili gjithmonë është vlerësuar nga ata si një profesionit i policisë shqiptare.
Ndërsa duke pritur për t’u pranuar kërkesa e tij për azil, Dritan Zagani bëhet armiku publik numër një në Shqipëri. Kryeministri Edi Rama e akuzon publikisht se i ka ikur drejtësisë së vendit të tij. Por, ish-polici shqiptar nëpërmjet dy kërkesave për ekstradim nëpërmjet Interpolit iu drejtua Konfederatës Zvicerane. Në fund të marsit 2017, Dritan Zagani më fund merr azil politik.
Që nga arrestimi i vëllezërve Habilaj, po zhvillohet një hetim nga zyra e prokurorit publik të Catania. Në Shqipëri, Prokurori i Përgjithshëm po heton gjithashtu lidhjet e supozuara të Saimir Tahirit me aktivitetet kriminale të klanit Habilaj. Viktima e e një instrumentalizimi të pashmangshëm politik, Dritan Zagani rregullisht është objekt i shpifjeve të dhunshme nga ana e mediave pranë qeverisë. Sulmuesit ndaj tij ende vazhdon të dëshmojë.
Disa muaj më parë, opozita kishte përdorur historinë e Zaganit për të denoncuar “kanabisimin” e Shqipërisë pa marrë mbështetje ndërkombëtare. A do të zhvillohet kjo pozitë? Pas imazheve që tregojnë konfiskime spektakolare, arrestime dhe zjarre në fushat e kanabisit, tonelata droge vazhdojnë të mbërrijnë në Greqi dhe Itali. Pas shpalljet së “rastit Tahiri,” diplomatët evropianë dhe amerikanë kanë ngritur pyetjet e tyre shqetësuese për një mbështetje që t’i jepet qeveria e Edi Ramës, i cili mohon ndonjë marrëveshje të fshehtë me trafikantët.
Në të njëjtën kohë, raportet që shpjegojnë se Shqipëria është qendra e të gjithë trafikut në rajon po grumbullohen. Kohët e fundit, Organizata për Siguri dhe Bashkëpunim në Evropë (OSBE) vuri në pikëpyetje shkallën e blerjes së votave në zgjedhjet e fundit legjislative, të cilat e panë Partinë Socialiste (PS) të fitojë një shumicë të madhe. TIRANA TODAY
