Trajneri i Interit, Antonio Konte u dënua me dy ndeshje mungesë. Gjykata Sportive e Serisë A vendosi që tekniku zikaltër të përjashtohet për dy takime.
Gjyqtari Gerardo Mastrandrea konsideroi se Konte ka përdour tone të ashpra dhe fjalë të papërshtatshme ndaj arbitrit Fabio Mareska në sfidën e fundit të kampionatit me Udinezen.
Konte akuzoi arbitrin Mareska për kohën shtesë të akorduar në fund të sfidës me Udinezen.
Dënim ka pësuar dhe drejtori teknik i Interit, Gabriele Oriali. Ish-futbollisti i njohur zikaltër do të mungojë një ndeshje si dhe duhet të paguëjë gjobë prej 5 mijë euro.
