Poetja e dashur për të gjithë, Mimoza Ahmeti, me kërkesë të Prokurorisë së Tiranës u dënua nga gjykata për ndërtim të paligjshëm. Pa marrë parasysh profilin e saj dhe as faktin që banesa e poetes së mirënjohur ishte dëmtuar nga tërmeti, gjykata urdhëroi që Mimoza Ahmeti të kryejë punë me interes publik për 40 orë. Ahmeti u detyrua të ulet në bankën e të akuzuarve në Gjykatën e Tiranës, për të dëgjuar edhe njëherë rezultatet e hetimit nga prokurori që e kishte përballë. Ajo ka theksuar se shtëpia që kishte në Petrelë iu dëmtua nga tërmeti, dhe se në këto kushte ajo u duhet të ndërtonte një banesë të re. Partia e Lirisë e konsiderojnë si tregues të një shteti me dy standarte, ku intelektualët dënohen, ndërsa oligarkëve u amnistohen kullat pa leje. Sekretari i Përgjithshëm i Partisë së Lirisë, Tedi Blushi shkruan se dënimi i Ahmetit kur klientët e Qeverisë amnistohen për kullat pa leje, tregon se kemi të bëjmë me një shtet me dy standarte. Sipas Blushit, zelli i drejtësisë për të goditur pa mëshirë intelektualët, por jo oligarkët, është modeli qeverisës që ka instaluar Edi Rama.
Postimi:
Dënimi i poetes së mirënjohur Mimoza Ahmeti për rindërtimin e shtëpisë së dëmtuar nga tërmeti, kur klientët e Qeverisë amnistohen për kate, pallate dhe kulla pa leje është krimi i radhës i shëmtuar i shtetit me dy standarde të Edi Ramës.
Zelli i drejtësisë së “Rilindjes” për të goditur pa mëshirë intelektualët e më të dobëtit, por jo oligarkët dhe krimin që pastrojnë paratë me monstrat e betonit është në fakt modeli qeverisës shtypës që ka instaluar Edi Rama!
Mesazhi i qindra mijëra shqiptarëve në 12 Nëntor ishte i qartë: Ky shtet që po degradon përditë në një regjim hajdut dhe shtypës do të shembet shumë shpejt përpara vullnetit të qytetarëve të lirë! Triumfi është i sigurtë!
