Ministrja e Ekonomisë dhe Financave, Anila Denaj ka vendosur ta pezullojë vendimin e marrë, sipas të cilit kompania “Bankers Petroleum” është e detyruar të paguajë një gjobë prej 104 milionë lekësh.
Denaj i ka dërguar një shkresë Drejtorisë së Doganave, ku thuhet se pagesa për “Bankers” do të pezullohet, deri në një urdhër të dytë nga ministrja.
Në shkresën e dalë më datë 17 korrik 2019, argumentohet se një nga arsyet e pezullimit është fakti, se po shqyrtohet ende dosja për këtë kompani, edhe ka ende problematika.
Gjithashtu, arsye sipas ministres është edhe “kompleksiteti dhe volumi i kësaj çështjeje”, dhe “në kushtet kur për këtë çështje është investuar Avokatura e Shtetit e dhe Ministrja e Infrastrukturës dhe Energjisë”.
