Gjykata e Shkallës së Parë Mat, ka dhënë vendimin e saj për 9 personat e arrestuar në Burrel dhe Klos pasi këta të fundit u munduan të hiqnin materialet zgjedhore nga KZAZ-të përkatëse.
9 të arrestuarit të cilët akuzohen për “dëmtimin e materialeve zgjedhore” në KZAZ 16 dhe 17, janë njohur ditën e sotme me masën e sigurisë.
Mësohet se dy persona janë lënë në “arrest me burg” me afat 30 ditë, 4 shtetas të tjerë u lanë me detyrim paraqitjeje, ndërsa 3 persona të tjerë në ‘arrest në shtëpi”.
Të arrestuari janë Shkëlzen Uka dhe Myrteza Gjini, ndërsa me ‘detyrim paraqitjeje’ janë dënuar Murat Dedja, Enea Dedja, Hazbi Kurtagja e Eduart Topalli, ndërsa “arrest në shtëpi’ për tre shtetasit e tjerë Ilir Çeliku, Mehmet Limani, Xhevalin Gjegji e Riza Dishi.
Seanca u zhvillua me dyer të mbyllura dhe nuk është lejuar prania e të afërmve të të ndaluarve në sallën e gjyqit.
Ndërkohë, 12 persona të tjerë të dyshuar se kanë lidhje me ngjarjet, janë ende në kërkim nga policia.
