Diva e muzikës, Adele ka anuluar dy shfaqjet e fundit të turneut të saj botëror, që do të zhvilloheshin në stadiumin Wembley të Londrës këtë fundjavë, pasi i janë dëmtuar kordat e saj vokale.
Këngëtarja e dërrmuar nga kjo gjendje, tha se kishte marrë vendim për trajtim mjekësor.
“Të thuash që jam zemërthyer do të ishte pak”, shkruan Adele në një postim në Twitter.
“Jam përpjekur tej normales por rezulton se kam dëmtuar kordat e mia vokale”, shpjegoi ajo. Këshillat mjekësore rekomandojnë që unë nuk mund të jem aktive gjatë fundjavës. Më vjen keq për zhgënjimin tuaj. Ju e dini që nuk do ta merrja këtë vendim lehtë,” shkruan Adele postimin në Twitter
Ajo shtoi se ishte kaq e dëshpëruar që nuk do të jetë me tifozët e saj ashtu siç e kishte parashikuar.
Dy ditë më parë Adele pati deklaruar se koncertet e kësaj fundjave në Londër mund të ishin të fundit, live, në karrierën e saj.
