Dëmtimi i Neymar/Zidane tregon se është njeri i madh

Ylli i Paris Saint-Germain, Neymar, ka pësuar një lëndim serioz në përballjen e së dielës kundër Marseille. Raportimet e para ishin se braziliani do të mungojë më shumë se tre javë dhe si rrjedhojë do të  humbte edhe përballjen me Real Madrid në Champions League. Emery është shprehur se Neymar ka pësuar një ndrydhje dhe shpreson të jetë gati për supersfidën.

Por edhe Zidane shpreson se Neymar do të jetë gati për ndeshjen e dytë të Ligës së Kampionëve kundër Real Madridit duke shtuar se nuk i pëlqen kur lojtarët lëndohen. “Dua që Neymar të kthehet me kohë për përballjen tonë”, ka thënë Zidane para gazetarëve gjatë konferencës së tij për shtyp të hënën.

“Unë kurrë nuk dua të shoh ndonjë lojtar të lënduar dhe shpresoj që ai të kthehet në kohë për t’u përballur me ne dhe të shërohet nga lëndimi i tij. Nuk më pëlqeu kur ai u dëmtua sepse e kam parë ndeshjen dhe shpresoj që të mos jetë lëndim i madh. Nëse ai nuk luan atëherë do të jetë një lojtarë tjetër që është i motivuar dhe i përgatitur për të luajtur kundër nesh”, përfundoi trajneri i Realit. Ndeshja e kthimit në “Parc des Princes” mes PSG-së dhe Realit zhvillohet me datë 6 mars.