Delegacioni i Komisionit të Venecias pritet që të mbërrijë sot në Tiranë. Ata do të japin opinionin e tyre për çështjet e deleguara, të cilat janë kërkesa e Metës për Kushtetuesen dhe rishikimi i paketës ‘anti-shpifje’.
Në agjendën e tyre përfshihen takimet me disa nga autoritetet e larta shtetërore.
Nesër delegacioni do të pritet në takim nga kryeparlamentari Gramoz Ruçi, në orën 9:15 në ambientet e Kuvendit.
Të martën më 11 shkurt, delegacioni do të pritet nga Presidenti Ilir Meta në ambientet e Presidencës në orën 10:00.
Më pas ata do të kenë një takim me Avokaten e Popullit, Erinda Ballanca në orën 15:15.
