Rreth dy javë më parë një tragjedi e tmerrshme përfshirë Brazilin, pasi shpërtheu një digë në jug të vendit që shkaktoi mbi 300 të vdekur e të zhdukur.
Vetëm tani në rrjetet social kanë nisur të qarkullojnë video të cilat tregojnë qartë sesa të pashpresë ishin njerëzit e ndodhur pranë saj.
Mësohet se filmimi është siguruar nga një televizion lokal. Në të shihet sesi një dallgë e vërtetë tsunami prej balte e dheu përplaset mbi kantierin e kompanisë “Vale SA”, incidenti i dytë i këtij lloji në njërën prej minierave të saj në më shumë se 3 vjet.
Hetimet mbi ngjarjen e rende vazhdojnë. 5 persona kanë përfunduar deri tani në pranga, tre prej të cilëve, sipas prokuroreve janë zyrtare të “Vale-s”: Përgjegjësia e tyre përfshinte menaxhimin e licencave me impakt mjedisor.
Kompania më e madhe prodhuese e mineraleve të hekurit dhe nikelit në botë, thotë se po bashkëpunon plotësisht me hetuesit.
Bilanci i fundit i viktimave të kësaj tragjedie është 110 të vdekur të konfirmuar dhe 238 persona që ende rezultojnë të zhdukur.
Korrespondentet thonë se ne momentin e fatkeqësisë, sistemi i alarmit të instaluar nga firma për të paralajmëruar rezidentët mbi rrezikun qe po afron, nuk ka funksionuar.
