Fëmijët e klasave të 9-ta po zhvillojnë gjatë ditës së sotme provimin e fundit të lirimit, atë të matematikës.
Ndërkohë, ish-kryeministri Sali Berisha nëpërmjet një postimi në “Facebook” akuzon se teza e këtij provimi ka dalë një natë më herët.
Berisha e mbështet këtë akuzë në mesazhin që ka marrë nga një qytetar në profilin e tij duke e shoqëruar denoncimin edhe me disa foto të tezës.
Në mesazhin e qytetarit dixhital të postuar nga ish-kryeministri shkruhet se teza bashkë me përgjigjet e saj kanë dalë një natë më përpara dhe nxënësit ditën e sotme duhet vetëm të kopjojnë.
Postimi i plotë:
Keto jane provimet qe organizon ndrikull Shahini ne narkoshtetin e Edvin Kristaq Droges!
Ne darke u shpernda teza dhe dhe zgjidhja e saj per provimin e lirimit te klasave te 9 ta! Ketij i thone shpartallim i shkolles!
Lexoni mesazhin dhe shikoni fotot e qytetarit dixhital. sb
Përshëndetje zoti Berisha.
Mirë maturën që e kanë degraduar, por ju futën me themel edhe provimeve të lirimit të klasës së 9. Ja teza e zgjidhur, e cila ka dalë që mbrëmë në darkë. Nxënësit sot duhet vetëm ta kopjojnë, se e kanë gati të zgjidhur.
Këto janë standardet e rilindjes dhe të ministrisë së papërgjegjshme për arsimin.
Ju përshëndes
