Ervis Martinaj, i plagosuri i ngjarjes së ish-Bllokut është dërguar në ambientet e burgut 302 në Tiranë. Pak ditë më parë ai u dërguar nga ambientet e spitalit privat për në spitalin e Burgut pranë QSUT-së Tiranë. Martinaj po pret të përmbushet dhe afati 30 ditor i qëndrimit në qeli. Nj masë e tillë ndaj tij është dhënë ngaGjykata e Tiranës.
Burimet thanë se Martinaj vijon të mjekohet në ambientet e burgut. Ai ka disa koplikacione me plagën që i është shkaktuar në qafë. Ai u qëllua me armë nga ish-komandoja Marviol Bilo. Transferimi i Martinaj, në ambientet e paraburgimit 302, u realizua vetëm një ditë pasi qëndroi në spitalin e Burgut. Mjekimin Ervis Martinaj, e merr në qeli. Ndërkohë që shpesh herë është vizituar në ambjentet e burgut nga doktorët e spitalit privat.
Rrëfimi
Ervis Martinaj, ka folur publikisht rreth ngjarjes se ndodhur në lokal “Metropol” në ish-Bllok. Ai ka rrëfyer se është qëlluar me një plumb, pikërisht kur ka hyrë në mes dy personave që po kacafyteshin me grushta, Fabiol Gaxha dhe Marvil Bilo.
Në rëfimin e tij, Martinaj thotë se ka humbur ndjenjat dhe nuk është në gjendje të kujtojë se çfarë ka ndodhur. Madje nuk ka qenë në gjëndje të dëgjojë krismat që kanë vijuar. Martinaj, thotë se kur është përmendur, ka shkuar tek banaku duke u zvaritur dhe aty ka parë Redi Popeskun. I ka kërkuar ndihmë, dhe ashtu siç ishte i dehur ai e ka ndihmuar. Ai e ka çuar deri tek taksitë, ku është nisur në spital.
Sipas Martinaj, kur ka mbëritur në spital, shikimi i tij është dobësuar. Gjëndja është përmirësuar vetëm pas ndërhyrjes së mjekëve. I plagosuri thotë se Eljon Haton, të plagosurin tjetër e ka kushëri. “Kur ka filluar debati, unë kam qënë me një gotë në dorë duke pirë bashkë me Ervin Matën. Sherri ishte mes Fabiolit dhe një personi që ishte ulur në tavolinën tjetër. Siç isha me gotë në dorë, kam hyre duke thënë “Mos, mos u zini!”. Kur hyra unë ata po ziheshin me grushte” – është shprehur Ervis Martinaj. Ky i fundit është biznesmeni i lojërave të fatit.
