Trafikantët shqiptarë i kanë dhënë “një dorë të fortë”, organizatës famëkeqe mafioze italiane Ndrangetas. Kështu, bashkëpunimi mes narkotrafikantëve shqiptarë, ka bërë që mafia italiane Ndrangetas, të bëhet një nga bandat më të forta në vendin fqinj, duke marrë kontrollin e plotë të trafikut të drogës në brigjet italiane të Adriatikut, shkruan Tirana Today.
https://youtu.be/A3EPzeXE4iA
Një gjë e tillë është puhuar nga vetë prokurorët italianë të anti-mafias, fill pas operacionit të madh anti-drogë, të një dite më parë ku ranë në pranga 10 shqiptarë mes 25 trafikantëve të arrestuar.
Në një prononcim për media, Prokurori i Katanxaros se Ndrangeta kalabreze kishte marrë kontakt të drejtpërdrejtë me atë që është pagëzuar si “Klani i Vlorës” ku bënin pjesë edhe 10 të arrestuarit shqiptarë.
Mund të themi se klani mafioz kalabrez, më në fund i ka shpallur “luftë” dhe ka arritur të thyejë grupet kriminale të Brindizit, duke u marrë atyre monopolin e marijuanës shqiptare, e duke u shndërruar kështu në lider të trafikut të drogës nga Shqipëria.
Por, nga ana tjetër gjithashtu nga ana e hetueseve italianë është bërë e ditur se thonë se vitet e fundit, në brigjet italiane janë vërejtur edhe përplasje mes grupeve rivale të narkotrafikut që prisnin drogën nga Shqipëria.
Kjo konfirmon shqetësimin e ngritur vazhdimisht nga raportet e policisë italiane ku konstatohej se kontrolli i rrugëve të drogës nga Shqipëria ka futur në luftë grupet kriminale italiane. Po ashtu prokurori i anti-mafias italiane Federico Cafiero de Raho tha gjatë vizitës së kësaj jave në Tiranë tha se mafia italiane po bashkëpunon ngushtë me trafikantët shqiptarë të drogës.
Shqiptarët e arrestuar janë:
Indrit Buja, alias Andrea, shqiptar
Elvis Hajdini, 25 vjeç, nga Vlora
Shefik Muho nga Vlora
Vladimir Leskaj, 51 vjeç nga Vlora
Adrian Licaj, 51 vjeç, shqiptar
Vilson Nelaj, 32 vjeç, shqiptar
Astrit Paskali, 45 vjeç, shqiptar
Alban Sinani, 35 vjeç, shqiptar
Gentian Sulejmani, 41 vjeç, shqiptar
Luan Tahiraj, 39 vjeç, shqiptar /TIRANA TODAY/
