Në pranga të policisë ka rënë i riu Bledar Zefi 29 vjeç i dënuar nga drejtësia italiane me 10 vite burg.
Ai akuzohet për “vjedhje me armë e organizuar në grup kriminal”.
Pas prangosjes ai do të ekstradohet në Italisë. Në shtetin fqinj ai do të vuajë masën e dënimit për akuzat që rëndojnë mbi të.
https://tiranatoday.com/merr-fund-arratia-e-te-riut-i-me-10-vjet/
Por, kush është Bledar Zefi?
29-vjeçari nga Fushë-Arrësi është një emër i njohur për policinë. Në vitin 2015 pas arrestimit u arratis nga komisariati nr. 3 i policisë në Tiranë.
Teksa po kryheshin procedurat në dhomën e shoqërimit, Zefi u kërkoi efektivëve ta shoqëronin për në tualet.
Në këtë moment ai shtyu policët, duke mundur të dalë nga komisariati dhe të kapërcejë traun e gardhit që rrethon oborrin.
Asokohe u arrestuan dy policë për ngjarjen, që më pas u liruan, ndërsa pas 3 vitesh është arrestuar i kërkuari. Të hënën Zefi do të dalë para gjykatës për t’u njohur me kërkesën e autoriteteve italiane për ekstradimin e tij dhe vuajtjen e dënimit atje.
