Del fotoja e Santiago Malkos, ish-policit 26 vjeçar, i cili u ekzekutua mbrëmjen e djeshme në zonën e Xhamllikut, në Tiranë. Viktima u qëllua me breshëri plumbash, teksa ecte me automjetin e tij.
Viktima, ka qenë i përfshirë më herët në një konflikt me vëllezërit Vlashi, në vitin 2016. Në atë kohë, konflikti dyshohet të ketë ndodhur për shkak të një borxhi. Por, ndërhyrja në kohë e forcave të Policisë bëri të mundur neutralizimin e palëve të përfshira në përplasje.
Po ashtu, mësohet se i ndjeri kishte përfunduar kursin për Patrullë të Përgjithshme dhe ka qenë pjesë e kësaj strukture në Policinë e Tiranës vetëm për 3 muaj, më pas është përjashtuar për shkak të një problemi me lojërat e fatit.
Pak orë pas krimit, është gjetur një makinë e djegur në Ferraj, për të cilën dyshohet se u përket autorëve. Brenda në makinë u gjet edhe një armë e llojit kallashnikov.
