Update/ Komisioni i Pavarur i Kualifikimit ka konfirmuar në detyrë gjyqtaren e Gjykatës së Tiranës, Manjola Xhaxho.
Xhaxho është edhe kandidate për Këshillin e Lartë Gjyqësor. Ajo ka qenë gjithashtu edhe këshilltare ligjore në Gjykatën e Lartë dhe e ushtron këtë profesion prej 16 vitesh.
Në seancën dëgjimore të 10 Majit, që zgjati vetëm 10 minuta u tha se gjyqtarja jetonte në shtëpinë e prindërve të saj. Xhaxho nuk shfaqi asnjë kundërshtim për hetimin dhe kërkoi konfirminin e saj në detyrë./
Në sitën e vettingut, gjyqtarja Xhaxho: Kam vetëm dy ankesa
Sipas ILDKPI deklarimi i Xhaxhos është si saktë, ajo nuk e ka fshehur pasurinë. Në bazë të hetimit rezulton se gjyqtarja banon në një apartament në pronësi të prindërve. Ndërkohë KLD ka deklaruar se ka aftësi të mira profesionale.
Xhaxho është gjyqtarë në Gjykatën e Tiranës dhe gjithashtu kandidate për Këshillin e Lartë Gjyqësor, është bërë pjesë e listës prioritare për të kaluar në sitën e vettingut.
Relatorja Pine ka thëne se mungon deklarata e pasurisë se gjyqtares për vitin 2006, vit ne te cilin ajo pretendon se ka qene me studime jashtë vendit.
“Gjyqtarja ka pretenduar se atë vit ka qene jashtë vendit me studime pasuniversitare. Xhaxho banon në një apartament 2+1 ne pronësi te prindërve. Apartamenti është blere ne vitin 2001 dhe u është dhuruar prindërve ne vitin 2011, ndërkohë qe nuk ka pasuri te paluajtshme ne emër te gjyqtares”- tha relatorja Pine.
Gjyqtarja nuk ka probleme me integritetin e figurës. “Për gjyqtaren ka vetëm dy ankesa, por ne asnjërën prej tyre nuk ka pasur shkelje ligjore si dhe nuk ka asnjë mase disiplinore”.
Ne mbyllje, gjyqtarja ka kërkuar rikonfirmimin ne detyre: “Gjetjet tuaja qëndrojnë. Jam dakord me to. Kërkoj rikonfirmim ne detyre”. Vendimi do te merret me datën 14 maj.
Në sitën e Vettingut/ Ja gjyqtarja e vetme që iu zvogëlua pasuria. Si do justifikohet?
Gjyqtarja e Gjykatës së Rrethit Tiranë, Manjola Xhaxho, do të dalë ditën e sotme rreth orës 11.00, në seancën dëgjimore, para Komisionit të Pavarur të Kualifikimit. Kujtojmë se nga rezultatet e vettingut janë rreth 25 gjyqtarë e prokurorë të cilët janë larguar në pak se dy muaj. Trupa gjykuese e Komisionit që do të bëjë vlerësimin përbëhet nga Xhensila Pine, Etelda Çiftja dhe Valbona Sanxhaktari. Manjola Xhaxho ushtron detyrën prej shumë vitesh, ndërsa është edhe kandidate për Këshillin e Lartë Gjyqësor.
Kualifikimet e Xhaxhos
Manjola Xhaxho prej 16 vitesh është pjesë e trupës gjykuese të Rrethit Gjyqësor në Tiranë. Gjyqtarja është bërë pjesë e listës së vettingut për shkak të kandididimit të saj për një post në Këshillin e Lartë Gjyqësor.
Manjola Xhaxho e ka filluar karrierën në gjyqësor në vitin 2002 si gjyqtare në Gjykatën e Tiranës, pozicion të cilin e mban edhe sot. Ajo ka ushtruar për tre vjet edhe detyrën e këshilltares ligjore në Gjykatë të Lartë.
Xhaxho ka mbaruar shkollën e Magjistraturës si dhe ka kryer studimet Master për të drejtat ndërkombëtare të njeriut në universitetin e Lundit në Suedi. Ajo ka kryer gjithashtu një sërë kualifikimesh profesionale si dhe është përfshirë në rolin e ekspertes në disa projekte mbi Kodin Penal dhe drejtësinë për të miturit.
Analiza e pasurisë
Analiza e pasurisë është një ndër tre shtyllat e rivlerësimit për gjyqtarët, së bashku me kontrollin e figurës dhe vlerësimin e aftësive profesionale. Skeda grafike e mëposhtme paraqet ndryshimin e pasurisë së deklaruar të gjyqtares Manjola Xhaxho-ndër të paktat gjyqtare që ka shënuar zvogëlim të pasurisë së saj nga viti 2003 deri në fund të vitit 2016
Ky raport është prodhuar nga BIRN pas administratimit të deklaratave të pasurisë së këtij subjekti nga Inspektoriatin i Lartë i Deklarimit dhe Kontrolli të Pasurive dhe Konfliktit të Interesit, ILDKPKI. Ai ka për qëllim bërjen e transparencës mbi pasurinë e gjyqtarëve dhe prokurorëve që i nënshtrohen procesit të vetingut.
Të dhënat e analizuara nga BIRN tregojnë se gjyqtarja Manjola Xhaxho zotëronte një pasuri me vlerë rreth 5.6 milionë lekë në vitin 2003. Në fund të vitit 2016, pasuria e saj rezulton të jetë rreth 2.9 milionë lekë ose 1.9 herë më e ulët se viti fillestar i deklarimit.
Rrudhja e pasurisë së zonjës Xhaxho lidhet me një apartament të deklaruar prej saj si pronë në vitin 2003, të cilën ajo ua ka falur prindërve. Apartamentin e blerë për 5 milionë lekë me burim të deklaruar “dërgesa monetare nga vëllai”, Xhaxho e ka rivlerësuar në vitin 2011 në 13.3 milionë lekë dhe më pas ua ka falur prindërve me kontratë dhurimi.
Të ardhurat e gjyqtares Xhaxho vijnë kryesisht nga paga nga funksioni dhe mësimdhënia, të cilat përbëjnë së bashku rreth 78 për qind të të ardhurave. Përgjatë karrierës së saj, të ardhurat totale të zonjës Xhaxho kapin vlerën e 13.1 milionë lekëve.
Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin artimetik/logjik të deklarimeve të subjektit si dhe “flamujt e kuq’ që identifikohen gjatë kontrollit. Në rastin e zonjës Xhaxho, 13 deklarata pasurie iu nënshtruan kontrollit aritmetik-logjik, nga të cilat njëra prej tyre rezultoi me probleme.
Gjyqtarja Xhaxho rezulton me një shumë të pambuluar prej rreth 96 mijë lekësh në vitin 2011. Kjo diferencë negative lidhet edhe me faktin se Xhaxho nuk ka deklaruar të ardhura nga funksioni në të njëjtin vit.
Duke qenë se ky raport bazohet në të dhëna statistikore të analizuara nëpërmjet një databaze, ai nuk nxjerr përfundime mbi pasurinë e subjektit nëse ajo mbulohet me burime të ligjshme ose jo, por mëton të informojë publikun mbi pasurinë e deklaruar të zyrtarit publik nëpërmjet një formati të thjeshtë dhe të kuptueshëm grafik.
Deklarata e pasurisë për vitin 2003
Deklarata e pasurisë për vitin 2004
Deklarata e pasurisë për vitin 2005
Deklarata e pasurisë për vitin 2007
Deklarata e pasurisë për vitin 2008
Deklarata e pasurisë për vitin 2009
Deklarata e pasurisë për vitin 2010
Deklarata e pasurisë për vitin 2011
Deklarata e pasurisë për vitin 2012
Deklarata e pasurisë për vitin 2013
Deklarata e pasurisë për vitin 2014
Deklarata e pasurisë për vitin 2015
Deklarata e pasurisë për vitin 2016 / BIRN/
