Ish-deputeti i LSI-së, Gledion Rahovica ka kërkuar rikthimin e mandatit pasi Prokuroria e Tiranës ka pushuar hetimet ndaj tij, teksa sipas organit të akuzës nuk rezulton që ai të ketë falsifikuar formularin e dekriminalizimit.
Ish-deputeti në qarkun e Beratit kërkoi që t’i kthehet sërish mandati, ndërsa vendimi pritet të merret sot në orën 12:00 nga Gjykata Administrative.
Rehovica akuzohej nga Prokuroria se ishte arrestuar në vitin 1999 në Itali për “vjedhje dyqani”, por ai mohoi akuzat teksa deklaroi se në atë kohë ka qenë student në Romë.
Kujtojmë se Komisioni Qendror Zgjedhor vendosi t’ju heqë mandatin dy deputetëve të Kuvendit të Shqipërisë, Aqif Rakipi i PDIU dhe Gledion Rahovica i LSI-së me kërkesë të njësisë së dekriminalizimit.
