Gjykata Kushtetuese rrëzoi kërkesën e Komitetit shqiptar të Helsnikit që pretendonte se disa nga nenet e ligjit të Dekriminalizimit janë antikushtetues.
Juristët e Komitetit shqiptar të Helsinkit pretenduan, në seancat e mëparshme, se heqja e të drejtës për të votuar, për një kategori të burgosurish, është shkelje e të drejtave të njeriut dhe e Konventës Europiane të të Drejtave të Njeriut.
Pas rrëzimit të këtij pretendimi, ku kërkohej shfuqizimi i nenit 2, pika katër e këtij ligji, do të thotë se afërsisht 2 mijë të dënuar për disa vepra, që janë objekt i këtij ligji, nuk do të munden t’u drejtohen kutive të votimit, shkruan “Top Channel”.
Bëhet fjalë për vepra penale të rënda, që nisin nga terrorizmi deri tek krimi i organizuar, ndërsa Komiteti shqiptar i Helsinkit pretendon se privohen nga e drejta e votës, edhe të dënuar për disa kundërvajtje penale.
