Marsida Qatja është thirrur sërish ditën e sotme në Prokurorinë e Kavajës. Ajo po pyetet në lidhje me deklaratat kontradiktore që ka dhënë në media. Kujtojmë se në shtëpinë e 30-vjeçares mbeti i vrarë 42-vjeçari Dritan Haxholli. Qatja ka dhënë versione të ndryshme për ngjarjen edhe pse Gjykata i ka kërkuar të heshtë.
Përgjatë një interviste dy ditë më parë ajo deklaroi se vrasja erdhi për shkak të prishjes së pazareve të drogës.
Qatja tha se disa individë i kanë dhënë një shumë prej 20 milionë lekësh, në shenjë dëmshpërblimi.
“Nuk mund t’i tregoj personat që m’i kanë dhënë. Më ka dhënë Bashkia, më kanë dhënë edhe kështu individë. Janë individë që janë tamam për dëmshpërblim, që janë mbrojtur nga unë, që kam mor fjalët përsipër, patjetër se po të kisha nxjerrë unë të vërtetën do ishin i grup në burg”, ka thënë ajo.
