“Serbia nuk do të bashkohet me Bashkimin Evropian përpara Shqipërisë, edhe pse Beogradi është caktuar si një kandidat në garën për anëtarësim para vendit tonë”, ka denë kjo deklarata e fortë e bërë nga kryeministri Edi Rama.
Komisioni Evropian ka deklaruar në muajt e fundit është hapur edhe njëherë një mundësi për hapjen e negociatave me anëtarët e rinj nga Ballkani Perëndimor. Ndryshimi i tonit të Brukselit, erdhi pas një periudhe të “lodhshme për zgjerim”, gjatë së cilës BE u konsumua me krizat e brendshme dhe u përball me një reagim të ashpër nga Evropa Perëndimore mbi emigracionin nga vendet e reja anëtare në lindje.
Por zyrtarët e BE-së kanë filluar të flasin se zgjerimi në Ballkanin Perëndimor do të përmirësojë stabilitetin dhe sigurinë e bllokut, duke vendosur standardet e BE-së për demokracinë dhe sundimin e ligjit në një rajon të paqëndrueshëm të shkatërruar nga lufta në vitet 1990.
Komisioni e ka cilësuar Serbinë, vendin më të populluar në Ballkanin Perëndimor dhe fqinjin e saj më të vogël Malin e Zi si kandidatët e parë në procesin e pranimit. Ajo ka thënë se të dy vendet, të cilat tashmë janë në mes të negociatave për anëtarësim, mund të bashkohen me BE deri në vitin 2025.
Shqipëria dhe Maqedonia shpresojnë të marrin dritën e gjelbër për të filluar bisedimet e anëtarësimit të tyre në muajt e ardhshëm. Të dy vendet parashikojnë se Komisioni do të deklarojë në prill se ata kanë përmbushur kushtet për të filluar. Pastaj do të jetë Këshillin Evropian ku liderët kombëtarë do të vendosin në qershor nëse do t’u japin përparësi këtyre vendeve.
“Serbia duhet të kalojë nëpër procesin e dhimbshëm të njohjes së Kosovës ose të paktën [zgjidhjen] e problemit me Kosovën”, është shprehur Edi Rama.
“Ne besojmë fuqimisht se raporti i Komisionit duhet të jetë pozitiv,” tha Rama për POLITICO gjatë një vizite në Bruksel për rastin e vendit të tij.
“Për Këshillin, është një luftë deri në sekondën e fundit, sepse ne duhet t’i bindim të gjithë që ka vetëm një gjë të drejtë për të bërë”.
Diplomatët shqiptarë thonë se kanë identifikuar Francën dhe Gjermaninë, si fuqitë më të mëdha të BE-së dhe Holandën, kryeministri i të cilit Mark Rutte ka shprehur skepticizëm rreth zgjerimit.
Megjithëse Serbia ka një fillim të konsiderueshëm, Rama parashikoi se nuk do të bashkohej me BE përpara vendit të tij – kryesisht për shkak se Beogradi do të duhet të zgjidhë çështjen shumë të ndjeshme të marrëdhënieve të saj me Kosovën, e cila shpalli pavarësinë nga Serbia në vitin 2008. TIRANA TODAY
