Nënkryetari i LSI-së, Luan Rama ka reaguar pas deklaratës së ministres së Mbrojtjes për sistemin e radarëve që do të monitorojnë hapësirën detare.
Duke iu referuar kësaj deklarate, Luan Rama i është drejtuar ministres me tre pyetje, teksa pyet ndër të tjera se përse sistemi i radarëve është venë në shërbim të grupeve kriminale të trafikantëve të drogës
“Zonja Ministre e Mbrojtjes paska thënë se Ministria e Mbrojtjes do të blejë radarë të rinj!
Po përse nuk kanë qenë në punë prej më shumë se tre vitesh radarët ekzistues, kur do të na e thotë?!
Po përse sistemi i radarëve është venë në shërbim të grupeve kriminale të trafikantëve të drogës, kur do të na e thotë?!
Po përse janë cënuar standardet e sigurisë kombëtare në kontrollin e hapësirës detare të Republikës së Shqipërisë kur do të na e thotë?!”, shkruan Rama në Facebook.
