Teksa po flisnin për rastin e Mihal Kokëdhimës me turistët spanjollë, gazetari Enrik Mehmeti u shpreh se ka dhe nga ata turistë të huaj që vjedhin kur vijnë në Shqipëri.
I ftuar në emisionin “Opinion”, gazetari mori si shembull qytetin bregdetar të Vlorës, ndërsa tha se ka raste që turistët italianë jo vetëm kanë vjedhur, por kanë kërcënuar edhe pronarët dhe punëtorët e restoranteve.
“Unë vij nga një qytet bregdetar, si Vlora më shumë turistë, sidomos italianë. Por ka raste që turistët kanë vjedhur, madje gjëra më të çuditshme. Edhe pirunë kanë marrë turistët italianë, por ai pronari e la dhe na solli neve video. Napolitanët kanë kërcënuar pronarët dhe punëtorët e restoranteve por e kanë menaxhuar me qetësi… Ndaj them se ka nevojë për trajnim”, deklaroi Enrik Mehmeti.
