Zv.Shefi i Misionit në Detyrë, Dan Koski përçoi një mesazh për zbatimin e ligjit dhe reformës në drejtësi, gjatë aktivitetit mbi Projektin për Planifikimin dhe Qeverinë Vendore të USAID/Albania.
Ai ka bërë një paralajmërim për të gjithë zyrtarët e korruptuar në Shqipëri. Teksa njoftoi se Amerika ka një lajm të keq për këta zyrtarë, duke i cilësuar si rëra në ingranazhe, që sipas tij, shumë shpejt do të bëjë që aktivitetet e tyre korruptive të ndalen.
“Jo të gjithë ndajnë qëllimet tona për të përmirësuar zbatimin e ligjit dhe qeverisjen e mirë në Shqipëri. Për zyrtarët e korruptuar, ndryshimi që ne po sjellim është një lajm i keq. Është si rëra në ingranazhe, e cila shumë shpejt do bëjë që aktivitetet e tyre korruptive të ndalen. Ne e dimë se ata do të luftojnë dhe do të përpiqen në çdo moment të bllokojnë përpjekjet tuaja për të çuar përpara këto qëllime të rëndësishme. Mos u stepni. Mos u shkurajoni. Vazhdoni të qëndroni në këmbë dhe të luftoni për reformat që do të forcojnë shoqërinë shqiptare për ju dhe brezat e ardhshëm. Ju besoni që në horizont është një e ardhme më e ndritur për Shqipërinë. Të njëjtën gjë mendojmë edhe ne, dhe do ta vijojmë këtë rrugëtim së bashku me ju”, deklaroi Koski.
