Kapiteni i një anije peshkimi në Korenë e Veriut është ekzekutuar në publik, pasi kishte dëgjuar radio të huaj.
Autoritetet koreano-veriore, e ekzekutuan atë në publik përpara 100 punëtorëve të tjerë të peshkimit, pasi ishte spiunuar nga kolegët e tij.
Sipas Daily Mail, 40-vjeçari dëgjonte Radio Azia e Lirë, e financuar nga qeveria e SHBA. Marinari, i cili më parë kishte shërbyer në ushtri, kishte pranuar para autoriteteve se të njëjtën radio e dëgjonte prej 15 vitesh. Kur dilte për peshkim, ai dëgjonte lajmet dhe programet e radios së huaj në det të hapur. Vetëm se ai dëgjonte radio të huaj, është ndëshkuar me marrjen e jetës.
Burri në fjalë, kapte valët e stacioneve të huaja gjatë kohës që dilte në det me anije për të peshkuar. RFA bëri me dije se kapiteni i njohur si Choi, u ekzekutua me skuadër pushkatimi përpara 100 peshkatarëve të tjerë.
Një zyrtar i shtetit diktatorial tha se Choi dëgjonte radio të huaja që prej kohës që punonte në ushtri, ndërsa këtë “ves” nuk kishte mundur ta hiqte edhe pasi u largua prej andej.
