Gjashtë pushues në Sarandë kanë rrezikuar jetën pasi motori i skafit me të cilin lundronin ka pësuar një defekt.
Mësohet se incidenti ka ndodhur në “Kepin e Mërtesës” në Ksamil, ndërsa fatmirësisht gjashtë pushuesit kanë shpëtuar pas sinjalizimit nga policia kufitare.
Kjo e fundit ka dërguar dy patrulla në ndihmë të pushuesve, duke nxjerrë në breg shëndoshë e mirë personat që rrezikonin jetën.
Nga hetimet paraprake rezulton se motoskafi në pronësi të shtetasit me inicialet B.S, kishte pësuar defekt në motorë.
