Në mbledhjen e KQZ përfaqësuesit e PDIU-së dhe PS-së kërkuan që të numërohen më shumë qendra votimi, sepse sipas tyre ka mospërputhje mes pamjeve filmike dhe shifrave në tabelat e rezultateve. Shpëtim Idrizi, kreu i PDIU-së e ka humbur mandatin për 38 vota, por PDIU pretendon se asaj i mungojnë të paktën 66 vota në disa kuti votimi në Qarkun e Tiranës.
DEBATI NE KQZ
Përfaqësuesi i PDIU: Ne kërkojmë që të shtojmë edhe 7 qendra të tjera votimi. Ndërkohë që heqim dorë nga hapja e kutive në katër kuti votimi. Ne vlerësojmë se PDIU-së i mungojnë 66 vota në Tiranë.
Përfaqësuesi i PS: Gjatë shqyrtimit të videove dolën fakte dhe prova të reja. Ne kërkojmë që të hapen kutitë edhe të 14 qendrave të tjera të votimit. Ne jemi të hapur për të hapur dhe lexuar cdo fletë votimi. Nuk mund të lejojmë për 65 fletë votimi të njollosim mbi 400 mijë zgjedhës. Po diskutojmë 65 fletë votimi në 2 milionë zgjedhës.
