Kryeministri Edi Rama do të mbledhë ditën e nesërme në orën 09:00 deputetët dhe anëtarët e Partisë Socialiste, dega Shkodër.
Procesi i emërimit të drejtorëve të rinj në Shkodër po kryesohet nga vetë kryeministri Rama, pas kundërshtimit të palëve për ngritjen e dy komisioneve që do të merrej me këtë çështje.
Situata politike në Shkodër nuk duket aspak e favorshme për Partinë Socialiste, pasi bashkia në këtë qytet drejtohet ende nga kryetarja e PD-së në ikje, Voltana Ademi.
Ndërkohë, deputeti Paulin Sterkaj u shpreh se çështja e emërimit të drejtorëve të rinj është kthyer në tender, pasi secili propozon emrat e tij.
Kujtojmë që Rama urdhëroi dorëheqjen e të gjithë drejtorëve burra ndërsa deklaroi se për disa nga gratë do të rishikohet pozicioni. Sipas tij, u shpreh se këto ndryshime nuk kishin motive personale por krijimin e një imazhi të ri të forcës socialiste në Shkodër.
