Aktori i njohur amerikan, Robert De Niro, ka sulmuar përsëri presidentin e Shteteve të Bashkuara, Donald Trump, gjatë një pjesëmarrje në spektaklin “The Graham Norton Show”.
I pyetur se çfarë mendon për karakteret e pjesëtarëve të mafia-s, De Niro kritikoi presidentin Trump, duke thënë: “Sot, ne kemi një president të çuditshëm, i cili mendon se është gangster, por as gangster i mirë nuk është”.
“Edhe gangsterët kanë nder në mesin e hajnave, i shtrëngojnë duart dhe e mbajnë fjalën, e tëra që ke është fjala. Ata merren vesh me fjalë dhe kaq, por ky djalosh nuk është i tillë”, shtoi aktori.
Ai është bërë i njohur për sulmet dhe kritikat ndaj presidentit Trump, dhe ka thënë vazhdimisht se shpreson që kreu i Shtëpisë së Bardhë do të shkarkohet, shkruan “Independent”, raportoi Express.
