Pas eliminimit nga Botërori Polonia ishte në kërkim të një trajneri të ri dhe emri më i favorizuar ishte ai i Gianni De Biasit. Por polakët kanë befasuar me zgjedhjen që ka bërë dhe do të jetë Jerzy Brzeczek.
Mediat italiane raportojnë se mes De Biasit dhe Zibi Boniek, presidentin e Federatës Polake të Futbollit ka pasur kontakte të vazhdueshme dhe pritje që të vinte edhe zyrtarizimi. Ndërsa në fund vendimi i marrë nga polakët ishte se pasuesi i Adam Nawalka trajnerit të Polonisë zhgënjyese në “Rusi 2018” do ta marrë 47-vjeçari Jerzy Brzeczek, ish-mesfushor dhe kapiten i Polonisë që fitoi medaljen e argjendtë në Olimpiadën e Barcelona 1992.
Si trajner deri më tani ka drejtuar Rakow Czestochova, Lechia Danzica, Gks Katowice dhe Wisla Plock. Përsa i përket motiveve të zgjedhjes ndoshta kanë ndikuar motivet nacionale për një trajner polak, ose ndoshta Boniek thjesht ka dashur të luajë në disa tavolina njëherazi, por e sigurt për mediat italiane është që De Biasi ka mbetur i pakënaqur.
