Giani De Biasi prej kohësh ishte në pritje për të marrë postin e trajnerit të Polonisë. Madje disa herë ai ishte shprehur se do të marr drejtimin e një kombëtareje e cila aktualisht ndodhet në Botëror dhe për të mos krijuar pakënaqësi nuk e kishte dhënë emrin. Por zgjedhja e federatës polake nuk ishte italiani dhe kjo e ka zhgënjyer tej mase ish numrin një të kombëtares shqiptare.
Në një intervistë për “RMC Sport”, De Biasi tha se diçka e tillë i kishte ndodhur edhe 2 vite më parë me Italinë. “Dy vite më parë isha shumë pranë Italisë, dhe ndodhi e njëjta situatë. Pothuajse isha zgjedhur trajner i Polonisë, më pas federata zgjodhi një trajner polak.
Ndihem i zhgënjyer. Më mirë të ma thonin me telefon, se sa ta mësoja nëpërmjet gazetave diçka të tillë. Në këtë moment nuk është se kam preferenca, mes një klubi apo një kombëtareje. Thjesht dua të trajnoj dhe të arrij qëllimet e mia sërish” – deklaroi De Biasi.
