Kreu i LZHK-së dhe aleati i Bashës, Dashamir Shehi ka folur nga protesta, ku ka dhënë alarmin se shqiptarët po ikin. Pavarësisht kësaj, ai tha se shqiptarët kanë ende forcë për t’i rezistuar kësaj qeverisje të Ramës.
“Nesër do jemi më pak”, tha ai duke iu referuar qytetarëve që po largohen çdo ditë e më shumë nga Shqipëria, ndërsa bëri thirrje që të bëjmë rezistencë ndaj kësaj qeverisje.
Fjala e Shehit:
Të nderuar qytetarë , motra dhe vëllezër. Sot jemi më shumë se kurrë, jemi pafund dhe e dini pse, jo sepse ne jemi të rënët e qiellit, por sepse jemi më shumë, jemi për të treguar që nuk e durojmë dot më këtë dhunë të një grushti njerëzish të 5 politikanëve, 15 biznesmenëve dhe një tufa sahanlëpirësve. Jemi këtu për t’i thënë gjithë botës e komuniteti ndërkombëtar që komuniteti më i madh këtu jemi ne, jemi më shumë ne që protestojmë dhe që do rezistojmë ndaj kësaj dhune. Kjo qeveria ka mbledhur kaq shumë njerëz këtu, se i ka mbledh ajo nga pakënaqësi. Do i themi ndal kësaj pune, se kjo nuk është politikë ekonomike, kështu s’mund të rrinë shqiptarët në Shqipëri. Shqiptarët po ikin, kjo s’ka ndodh najherë. Shqipëria po ikën se i ka humb farë shpresë, s’po ikën vetëm hallexhiu i fshatit, por edhe qytetari me diplomë. T’i themi ndal kësaj pune, herën tjetër nuk do jemi kaq shumë se do ikin gjysma. Do të rezistojmë sot sa kohë që kemi forca të mjaftueshme për t;iu kundërvënë kësaj të keqeje. Ju ftojmë të rezistoni, për veten tuaj, të rrimë këtu, mos t’ju marrin para. TIRANA TODAY
