Pas një muaji mbyllje, sot Danimarka ka rihapur çerdhet, kopshtet dhe shkollat fillore. Deri më tani numërohen 300 të vdekur nga koronavirusi, dhe mbi 6700 të infektuar. Ndonëse këto insitucione janë hapur, me rëndësi është zbatimi me rigorozitet i masave.
Shkollave iu është kërkuar të respektojnë rregulla të caktuara, përfshirë atë të mbajtjes së distancave ndërmjet fëmijëve.
Rihapja e shkollave është hapi i parë i qeverisë daneze, që veproi shpejt përballë përhapjes së pandemisë, duke mbyllur kufijtë që më 14 mars, pasi kishte regjistruar rastet e para të infeksionit dhe vdekjeve. Mbyllja për restorantet, baret dhe vende të tjera të takimeve publike do të mbetet në fuqi të paktën deri më 10 maj.