Pak para nisjes së spektaklit të kërcimit “Dance with me 6”, u zbulua se Robert Aliaj nuk do të jetë më pjesë e jurisë këtë sezon. Aktori i njohur Gent Zenelaj pritet që të zevendësojë Robertin. Por zhvillime të reja kanë ndodhur në “Dance with me 6”, pasi Kledi Kadiu gjithashtu nuk do jetë në juri.
“Revista Class” zbulon se në rolin e koreografes që do të gjykojë çdo performancë këtë sezon do të jetë Enada Hoxha.
Për revistën, koreografja e njohur u shpreh se është kënaqësi të rikthehesh në ekran, dhe se ftesa i erdhi si surprizë.
“Është gjithmonë kënaqësi të rikthehesh në ekran, brenda një formati ku lëvrohet kërcimi dhe muzika, që janë pasionet e mia të mëdha dhe që i njoh shumë mirë. Ftesa për të qenë në juri ishte një surprizë e bukur”.
Juria e “Dance With Me” do të përbëhet nga Valbona Selimllari, Enada Hoxha dhe Gentian Zenelaj.
