Më 16 shtator pritet të startojë “Dance with me 6”. Nën moderimin e Alketa Vejsiut dhe regjinë e Vera Grabockës, 6 çifte personazhesh të njohur do të konkurrojnë me njëri-tjetrin çdo javë, në disiplina të ndryshme të kërcimit.
Pak më herët janë zbuluar dy çifte konkurrente të edicionit të gjashtë. Kejvina Kthjella do të jetë në çift me Eduart Ndocajn, ndërsa Era Rusi me moderatorin Florian Agalliu.
Blitz.al ka zbuluar edhe 3 çifte të tjerë që do të jenë pjesëmarrës në spektaklin që pritet të startojë në fillim të shtatorit.
Këngëtarja Çiljeta Xhilaga do të jetë në çift me ish-konkurrentin e Big Brother, Valer Kolnikajn. Këngëtari Mateus Frroku do të jetë në çift me Eliona Pitarkën, aktoren e “Duplex”. Një tjetër konkurrent do të jetë edhe moderatori i “Trokit”, Ermal Peçi. Përsa i përket partneres së tij, ende nuk dihet se cila bukuroshe do të shfaqet krah tij.
