Përmes një postimi në rrjetin social Facebook, Bashkëkryetari i Komisionit të Reformës Zgjedhore Damian Gjiknuri ka njoftuar se ka takuar ditën e sotme zv. drejtorin për Europën qendrore dhe jugore në DASH, Michael Margolies Konstantino.
Gjiknuri ndër të tjera shkruan: “E njoha me punën që po bëhet në kuadër të procesit të reformës zgjedhore dhe bashkëpunimin e vendosur me të gjithë aktorët e përfshirë në proces”.
Postimi i plotë i Damian Gjiknurit: “Pata kënaqësinë të takohesha me Michael Margolies Konstantino, zv.drejtor në zyrën për Evropën qendrore dhe jugore në Departamentin Amerikan të Shtetit. E njoha me punën që po bëhet në kuadër të procesit të reformës zgjedhore dhe bashkëpunimin e vendosur me të gjithë aktorët e përfshirë në proces. Zyrtari amerikan mbështeti dhe nxiti vazhdimin e dialogut dhe përfundimin sa më parë të reformës zgjedhore”.
