Të tjera detaje kanë dalë lidhur me ekzekutimin e 33-vjeçarit shqiptar mbrëmjen e djeshme në Athinë.
Viktima është qëlluar me armë zjarri në një pyll pranë banesës së tij, ndërsa identiteti nuk është bërë ende publik.
Sipas mediave greke, dyshimet e policisë për vrasjen kanë të bëjnë me pazare të prishura që kanë çuar më pas në ekzekutimin e shqiptarit. Pretendohet se ai është qëlluar nga afër, nga personi me të cilin ka pasur takim.
Ndër të tjera, mjekët ligjorë kanë bërë të ditur se 33-vjeçari është qëlluar me dy plumba në shpinë dhe në këmbë.
