Ngjarja e bujshme që ndodhi dje në Bularat, ka sjellë edhe një koment nga gazetari investigativ Artan Hoxha. Në studion e “Report Tv”, Hoxha ka deklaruar se 35-vjeçari teksa ndodhej në arrati maleve të Bularatit, persona të tjerë kanë tentuar ta ndihmonin. Ata janë trembur nga forcat speciale shqiptare. Po kështu, Artan Hoxha shton se RENEA nuk është ekzekutuese. Këtu ai sjell në fokus rastin e monstrës së Selenicës.
“Në Greqi ka ndodhur që të qëllohet me armë një patrullë e policisë. Nuk ka ndodhur që policia të struket. RENEA nuk e vrau monstrën e Selenicës, dhe pse të gjithë kërkuan ta vrisnin. RENEA nuk është ekzekutuese.
Në rastin konkret, sulmi ndaj policisë sonë dhe fati ka bërë që ata tre policë të ishin dëshmorë të atdheut.
Hetimet po kryhen nga Prokuroria. Autori ishte profesionist në gjuajtje. Është munduar të arratiset. Ka pasur persona të tjerë që janë përpjekur ti shkojnë në ndihmë.
Ai nuk ka vepruar i vetëm, por u tërhoqën kur panë RENEA-n. Ai nuk qëllonte me breshëri, qëllonte tek e tek. Thashë edhe njëherë që nuk ishte amator”, shprehet gazetari.
