Meta po kalon disa çaste relaksi. Nga ana tjetër, jo vetëm nga klasa politike por edhe qytetarët kanë ngritur dyshimet lidhur me vendimin e marrë ndaj Sandër Lleshit. Si për ti dhënë një mesazh në distancë, e për të krijuar zhurmë në këtë ditë të dielë, Meta shfaqej në një foto duke pirë një kafe.
Indirekt, Meta të krijonte bindjen se ai nuk është se po e vret shumë mendjen në lidhje me propozimin e kryeministrit Rama, për postin e Ministrit të Brendshëm. Por situata duket se së shpejti do të marrë një tjetër rrjedhë, pasi do të mësohen shkaqet pse ka ndodhur ky akt nga ana e presidentit Meta.
Dje presidenti njoftoi mos dekretimin e Sandër Lleshit në postin e Ministrit të Brendshëm. “Presidenti i Republikës, Sh.T.Z Ilir Meta, nuk ka krijuar bindjen e plotë për t’i dhënë besimin kandidaturës së Z.Sandër Lleshaj si Ministër i Brendshëm”, ishte njoftimi i shpërndarë nga Presidenca.
Në media u raportua gjithashtu se ditën e premte, kreu i shtetit thirri në një takim Sandër Lleshin, por ky i fundit nuk u paraqit. Takimi mes tyre u mbajt të shtunën dhe Presidenti i bëri të ditura arsyet e mos dekretimit.
“Politiko.al” ka mësuar nga burime brenda Presidencës, se po ditën e djeshme, Meta i ka dërguar një letër kryeministrit Rama, ku i ka paraqitur edhe arsyet e mos dekretimit të Sandër Lleshit. Letra në fjalë do të bëhet publike edhe për mediat ditën e hënë. Ende nuk ka një informacion nëse është ekzistenca e kësaj letre, arsyeja që kryeministri porositi deputetët, që të mos sulmojnë presidentin pas vendimit për të refuzuar dekretin.
https://tiranatoday.com/te-qash-apo-te-qeshesh-nga-kriza-politike-burrni-apo-pabesi-nga-ana-e-metes/
